Dës witzeg Geschicht ass op Lëtzebuergesch geschriwwen.
Hannen am Buch fannt dir d’Texter vun de Lidder, an och en däitsche bzw. e franséischen Text. (Versioun Lëtzebuergesch - Däitsch oder Lëtzebuergesch - Franséisch)
Am Buch läit och eng CD mat de Lidder, déi bei d’Déieren aus der Geschicht passen a mam Text an zwou Sproochen.
Dëst Billerbuch ass virun allem fir Kanner aus de Cyclen 1 bis 3. Et kann am Spoochunterrecht (Lëtzebuergesch, Däitsch oder Franséisch), am Konscht- oder am Museksunterrecht agesat ginn.
Déi zwee Kuebe Kolja a Galina liewen a Russland. Well et hinnen do am Wanter ze kal ass, maache si sech op d’Rees.
Ënnerwee begéine si villen Déieren. Si froen all Déier, wat et am Wanter mécht, fir net z’erfréieren.
De Kolja an d’Galina kréie witzeg, eescht, häerzlech awer och ofweisend Äntwerten …
Illustratiounen an Text vum Dany Gales
